Fransanın qərbindəki hərbi bazası üzərində naməlum dronlar müşahidə olunub

Fransanın qərbində yerləşən "Il Long" sualtı qayıq bazasının üzərində, burada ballistik raketlərlə təchiz olunmuş sualtı qayıqlar yerləşdirilib, naməlum pilotsuz uçan aparatların qrupu müşahidə olunub.

"PostMedia" bu barədə AFP-yə istinadən xəbər verir.

Agentliyin bildirdiyinə görə, cümə axşamı axşam saatlarında bir neçə dron "Il Long" yarımadasındakı (Finister departamenti) bazanın üzərindən uçub. Bu bazanın Fransanın nüvə təhdidinə cavab qüvvələrinin bir hissəsi olduğu qeyd olunur. Ümumilikdə beş dron müşahidə olunub və bazanın təhlükəsizliyini təmin edən dəniz piyadaları onları vurmağa çalışıb.

Bundan əvvəl yəni dekabrın 4-də, dörd naməlum uçan obyekt, ehtimal ki, dronlar, Ukrayna prezidenti Volodimir Zelenskiyə aid təyyarəni Dublinə yaxınlaşarkən izləyib. Daha sonra həmin obyektlər İrlandiya dənizində gizli yerləşdirilmiş İrlandiya hərbi gəmisinin ətrafında uçuş həyata keçiriblər.