Livan prezidenti İsrail ilə növbəti danışıqların tarixini açıqlayıb

İsrail ilə danışıqların növbəti mərhələsi dekabrın 19-da başlayacaq.

"PostMedia" AFP agentliyinə istinadən xəbər verir ki, bunu Livan Prezidenti Cozef Aun cümə axşamı bildirib.

O, bu həftə keçirilmiş ilk görüşün nəticəsini “müsbət” adlandırıb.

Xəbərə görə, Aun hökumət iclasının sonunda qeyd edib:
“Əlbəttə, ilk sessiya çox effektiv olmayacaqdı, lakin bu, növbəti yəni dekabrın 19-da keçiriləcək görüşlərin əsasını qoydu”.

Prezident həmçinin çərşənbə günü danışıqların ilk mərhələsinin nəticəsinin “müsbət” olduğunu vurğulayıb və İsrail ilə Livan vətəndaş nümayəndələri arasında birbaşa danışıqların məqsədinin “ikinci müharibədən” qaçmaq olduğunu qeyd edib.