Ukrayna hələ də hərbi dəstəyə ehtiyac duyur - Zelenski

“Bizə qarşı Rusiya müharibəsi keçmişdə qalmayıb, o, hər gün davam edir”.

"PostMedia" Ukrayna “Obozrevatel” nəşrinə istinadən xəbər verir ki, bunu Ukrayna Prezidenti Volodimir Zelenski bildirib.

Zelenskinin sözlərinə görə, “könüllülər koalisiyası” daxilində tərəfdaşlar arasında “bizləri bölə biləcək heç bir şey olmamalıdır”.

“Fərdi məsələlər yoxdur. Hər şey hər birimizə təsir edir. Hər kəs tam məlumatlandırılmış olmalıdır. Biz qətiyyətlə inanırıq ki, Ukraynanın təhlükəsizliyi ilə bağlı qərarlarda ilk növbədə məhz Ukrayna iştirak etməlidir. Bu, Cenevrədəki mövqeyimiz idi və bizim mövqeyimiz həmişə belə olub ki, Avropanın təhlükəsizliyi ilə bağlı qərarlara Avropa da cəlb olunmalıdır. Çünki qərar ölkə və ya xalqın arxasında qəbul ediləndə, həmişə böyük risk var ki, o, işləməyəcək”, – deyə Ukrayna Prezidenti əlavə edib.