Vaşinqtonun Ukrayna planına dəyişikliklər edilib

Ukrayna nümayəndə heyətinin üzvü Aleksandr Bevz açıqlayıb ki, ABŞ-nin Ukrayna üzrə təqdim etdiyi 28 bəndlik sülh planı əvvəlki formada artıq mövcud deyil.

Onun sözlərinə görə, 23 noyabrda ABŞ ilə keçirilən danışıqlarda planın bəzi maddələri çıxarılıb, bəziləri isə dəyişdirilib.
"PostMedia" xəbər verir ki, Bevz ən mübahisəli məsələlərlə bağlı son qərarı ABŞ Prezidenti Donald Trampın və Ukrayna Prezidenti Volodimir Zelenskinin verəcəyini deyib.
Bundan əlavə, ABŞ bu görüşü “indiyədək ən məhsuldar” adlandırsa da, "Politico" danışıqların gərgin keçdiyini yazıb.
Rusiya tərəfi isə Ukrayna mövzusunda danışıqlara açıq olduğunu bildirib, lakin ABŞ-dan yenilənmiş planın rəsmi mətninin hələ alınmadığını qeyd edib.