Cənubi Koreya Şimali Koreyanın raket sınağına etiraz edib

Cənubi Koreya prezidenti Li Çje Myonun administrasiyası Şimali Koreyanın BMT Təhlükəsizlik Şurasının qətnamələrini pozaraq ballistik raket buraxmasına görə Pxenyanı kəskin şəkildə qınayıb. 
"PostMedia" xəbər verir ki, Milli təhlükəsizlik idarəsi fövqəladə iclas keçirib, məsul qurumların hazırlıq vəziyyətini qiymətləndirib və zəruri tədbirlərin görülməsi barədə göstəriş verib.
Cənubi Koreya ordusunun məlumatına görə, raket 7 noyabrda yerli vaxtla saat 12:35-də Pxyonan-Pukto vilayətindən Yapon dənizi istiqamətində buraxılıb. Bu, Şimali Koreyanın 2025-ci ildə həyata keçirdiyi yeddinci raket sınağıdır.