Fələstin fraksiyaları Qəzzada BMT sülhməramlılarının yerləşdirilməsi ideyasını dəstəkləyiblər

Qahirədə keçirilən danışıqlarda iştirak edən fələstin fraksiyaları BMT-nin Qəzza zolağında sülhməramlı qüvvələrin yerləşdirilməsi ilə bağlı qətnamə ideyasını dəstəkləyiblər.

"PostMedia" xəbər verir ki, Bu barədə HƏMAS hərəkatı bəyanat yayıb.

HƏMAS-ın Teleqram kanalında yayılan məlumatda deyilir: "Qahirədə keçirilən görüşlərin iştirakçıları Qəzzə ərazisində sabitliyin qorunması üçün bütün tədbirlərin görülməsinin vacibliyi barədə razılığa gəliblər" . Onlar həmçinin vurğulayıblar ki, BMT atəşkəs rejiminə əməl olunmasına nəzarət edəcək sülhməramlı qüvvələrin anklavda yerləşdirilməsi ilə bağlı qətnamə qəbul etməlidir.