N/A°C Bakı

1$ = 1.70₼

Son Yeniliklər

Yaponiyada sakinlərə ABŞ hərbi bazasının təyyarə səs-küyünə görə 16,3 milyon dollar ödəniləcək

Xarici xəbərlər

ÇL: 1/8 finala və "pleyof" mərhələsinə vəsiqə qazanan komandaların adları açıqlanıb

Futbol

Təcili

Bakı metrosunda qatarın nasazlığına görə 20 dəqiqəyə yaxın yubanma yarandı Gömrük Komitəsinin bəzi əməkdaşları orden və medallarla təltif edilib DGK-nın sədri və bir sıra vəzifəli şəxslərinə ali xüsusi rütbələr verilib Yaponiyada sakinlərə ABŞ hərbi bazasının təyyarə səs-küyünə görə 16,3 milyon dollar ödəniləcək Paşinyan Ermənistan, Azərbaycan və Türkiyə enerji sistemlərinin birləşdirilməsini məqsədəuyğun sayır "Tesla" "Model S" və "Model X" elektrik avtomobillərinin istehsalını dayandırır Paşinyan bir daha İlham Əliyevə təşəkkür etdiyini açıqlayıb "Toyota" 2025-ci ildə rekord sayda avtomobil satıb Trampın Qrenlandiya ilə bağlı təzyiqlərinə qarşı çıxışdan sonra Frederiksenin reytinqi yüksəlib Vüsalə Səid "ASAN Radio"da

Dünya

İki rus hərbi təyyarəsi Litvanın hava məkanını pozub – Reuters

23-oktyabr-2025

Turan Hüseynli

İki rus hərbi təyyarəsi Litvanın hava məkanını pozub – Reuters

Yazı Ölçüsü:

Litva ordusunun məlumatına görə, cümə axşamı iki rus hərbi təyyarəsi NATO üzvü olan Litvanın hava məkanına təxminən 18 saniyəlik qanunsuz daxil olub.

"PostMedia" xəbər verir ki, bu barədə "Reuters" məlumat yayıb.

Litva tərəfinin açıqlamasına əsasən, Su-30 qırıcı təyyarəsi və İl-78 yanacaqdaşıyan təyyarəsi ehtimal olunur ki, yanacaqla havada doldurma üzrə təlim tapşırığı yerinə yetirirdi və saat 15:00 radələrində Kalininqrad vilayətindən havaya qalxaraq Litvanın üzərindən 700 metr hündürlükdə uçub.

Litvanın baş naziri İnqa Ruqinienə bu barədə "Facebook" hesabında da yazıb:

“Bu hadisə bir daha göstərir ki, Rusiya beynəlxalq hüququ və qonşu ölkələrin təhlükəsizliyini nəzərə almadan, terrorçu dövlət kimi davranır. Litva təhlükəsizlik altındadır. Biz müttəfiqlərimizlə birlikdə ölkəmizin hər bir qarışını qoruyacağıq”.

Hadisəyə cavab olaraq, bölgədə patrul xidmətində olan NATO-nun Baltik Hava Polisi missiyasının İspaniyaya məxsus "Eurofighter Typhoon" qırıcıları havaya qaldırılıb.

Xatırladaq ki, sentyabrın 19-da üç rus hərbi təyyarəsi Estoniyanın hava məkanını 12 dəqiqə pozmuşdu. NATO həmin təyyarələri müşayiət edərək geriyə yönləndirmişdi. Rusiya isə ittihamları rədd etmişdi.

Bundan doqquz gün əvvəl isə 20-dən çox rus PUA-sı Polşanın hava məkanına daxil olmuş, NATO təyyarələri onların bir neçəsini vurmuşdu. Bu, Ukrayna müharibəsi başlayandan bəri ilk dəfə idi ki, alyans üzvü Rusiya obyektlərinə atəş açırdı.