FSB-dən şok iddia: İngiltərə TürkAxını kəmərini partlatmaq istəyir

Rusiya kəşfiyyat xidməti FSB, İngiltərənin kəşfiyyat xidməti MI6-nin Ukrayna Xüsusi Qüvvələri ilə əməkdaşlıq edərək Rusiyadan Türkiyəyə qaz daşıyan TürkAxını kəmərini partlatmağı planlaşdırdığını iddia edib.

"PostMedia" xəbər verir ki, FSB Direktoru Aleksandr Bortnikov açıqlamasında, bu hücumun həm Rusiyanı sıxışdırmaq, həm də Türkiyəyə zərər vermək məqsədi daşıdığını bildirib. O, əlindəki kəşfiyyata güvəndiklərini vurğulayıb.

Bortnikov həmçinin Qafqaz Boru Kəmərinə də PUA-larla hücum edilə biləcəyi iddiasını irəli sürüb və Avropanı “hibrid müharibə” aparmaqda günahlandırıb.