Ukrayna münaqişəsinin başa çatması energetikadan asılı olacaq - Ağ Ev

09-oktyabr-2025, 21:44

Yazı Ölçüsü:

Ukraynada münaqişənin həlli prosesində enerji faktoru həlledici rol oynayacaq.

"PostMedia" xəbər verir ki, bunu ABŞ-nin ticarət naziri Hovard Lyutnik "Ağ Ev"in YouTube kanalında yayımlanan hökumət iclasında bildirib.

Bundan əvvəl The Wall Street Journal yazmışdı ki, Vaşinqton Ukraynaya Rusiyanın enerji infrastrukturlarına uzun mənzilli raket zərbələri endirmək üçün kəşfiyyat məlumatları təqdim edə bilər.

ABŞ həmçinin "Tomahawk", "Barracuda" və 500 km-dən artıq məsafəyə malik digər raket sistemlərinin Kiyevə verilməsini nəzərdən keçirir. Hələlik qərar qəbul edilməyib, lakin "Ağ Ev" NATO müttəfiqlərini də Ukraynaya oxşar hərbi yardım göstərməyə çağırır.

Mətbuat yazır ki, Donald Tramp administrasiyası Rusiyanın enerji sektoruna təzyiqin onun hərbi potensialını zəiflədə biləcəyini düşünür.

Moskva isə əvvəlcədən xəbərdarlıq edərək bildirib ki, "Tomahawk" raketləri Ukraynada peyda olan kimi məhv ediləcək.