Tükiyə: "Biz İsrailə ağlını başına yığmağı məsləhət görürük"

İsrail Hərbi Dəniz Qüvvələrinin saxladığı “Azadlıq donanması"nın göyərtəsində üç millət vəkili də daxil olmaqla 21 Türkiyə vətəndaşı var.

"PostMedia" Anadolu Agentliyinə istinadən xəbər verir ki, Türkiyə Böyük Millət Məclisinin sədri Numan Kurtulmuş deyib.

Gəmi Qəzza sektoruna humanitar yardım aparmaq məqsədilə yola çıxıb.
Kurtulmuş baş verənləri qəbuledilməz adlandırıb və İsraili saxlanılan şəxsləri dərhal azad etməyə çağırıb:
“Biz İsrailə ağlını başına yığmağı məsləhət görürük. Türkiyə Böyük Millət Məclisinin deputatları olan qardaş və bacılarımızın — beynəlxalq sulara çıxmış vəziyyətdə — saxlanılması tamamilə qəbuledilməzdir. Türkiyə bunu əsla dözməz” — deyə Kurtulmuş parlament iclasında bildirib.