Ərdoğan sabah Azərbaycana gələcək

06-oktyabr-2025, 23:29

Yazı Ölçüsü:

Türkiyə Prezidenti Rəcəb Tayyib Ərdoğan Türk Dövlətləri Təşkilatının Dövlət Başçıları Şurasının Qəbələdə keçiriləcək 12-ci Zirvə Görüşündə iştirak etmək üçün sabah Azərbaycana səfər edəcək.

"PostMedia" xəbər verir ki, bu barədə Türkiyə Prezidentin Kommunikasiya Baş İdarəsinin rəhbəri Burhanəddin Duran məlumat verib.

Azərbaycan Prezidenti İlham Əliyevin dəvəti ilə reallaşcaq səfər çərçivəsində Ərdoğan “Regional sülh və təhlükəsizlik” mövzusunda baş tutacaq müzakirələrə qatılacaq.

Görüş çərçivəsində Qəbələ Bəyannaməsi və digər sənədlərin qəbul edilməsi planlaşdırılır.

Ərdoğanın Zirvə Görüşü çərçivəsində Azərbaycan Prezidenti İlham Əliyevlə görüşəcəyi, Dövlət Başçıları Şurasının toplantısında iştirak edəcəyi və digər dövlət və hökumət başçıları ilə ikitərəfli görüşlər keçirəcəyi deyilir.