Putin Tramp və Si Cinpin arasındakı danışıqları qiymətləndirib

Rusiya ABŞ Prezidenti Donald Tramp və Çin Xalq Respublikasının sədri Si Cinpin arasında keçirilən danışıqları alqışlayır.

"PostMedia" xəbər verir ki, bunu Rusiya Prezidenti Vladimir Putin həmin təmasların onda qısqanclıq yaradıb-yaratmadığı barədə suala cavab verərkən bildirib.

“Qısqanclıq bir şeydir, bu, tamamilə başqa, humanitar xarakterli sahəyə – kişi ilə qadın arasındakı münasibətlərə aiddir. Beynəlxalq siyasətdə isə belə kateqoriyalardan istifadə olunmur”, – deyə o qeyd edib.

Putin vurğulayıb ki, danışıqların nəticələri həm dünya, həm də Rusiya iqtisadiyyatına təsir göstərəcək. Buna görə də Moskva Çin və ABŞ arasında əldə olunan istənilən müsbət razılaşmanı müsbət qiymətləndirir.