Zelenski diplomatik komandada yeni təyinatların olacağını açıqlayıb

Ukrayna Prezidenti Volodimir Zelenski diplomatik komandanın yenilənməsinə yönəlmiş qərarların hazırlanması barədə açıqlama verib.

“PostMedia” xəbər verir ki, o xüsusilə Amerika istiqamətində yeni yanaşmalara ehtiyac olduğunu qeyd edib.

“Diplomatik komanda ilə bağlı qərarlar hazırlayırıq. Bəzi istiqamətlərdə, xüsusilə Amerikada yeni yanaşmalara ehtiyac var. Müvafiq məsləhətləşmələrdən sonra təyinatlar olacaq. Ukraynaya nəticələr lazımdır”, – deyə Zelenski avqustun 20-də axşam saatlarında yayımladığı videomüraciətdə bildirib.

Ukrayna Prezidenti konkret olaraq hansı kadr dəyişikliklərinin nəzərdə tutulduğunu və kimin hansı vəzifəyə təyin oluna biləcəyini açıqlamayıb.

Daha əvvəl, avqustun 3-də Zelenski Olqa Stefanişinanı ABŞ-də Ukraynanın səfiri vəzifəsindən azad edib. Avqustun 6-da Ali Antikorrupsiya Məhkəməsi onun barəsində qətimkan tədbiri olaraq 6 milyon qrivna məbləğində girov müəyyən edib. Stefanişina qanunsuz varlanmada və düzgün olmayan bəyannamə təqdim etməkdə şübhəli bilinir.

Daha əvvəl KİV-lər şəxsi səbəblərlə Stefanishinanın diplomatik xidmətini başa çatdırmağı özünün xahiş etdiyini bildirmişdilər.