NATO Rusiyanın Baltikyanı ölkələrə hücumu halında fəaliyyət planı hazırlayıb

NATO Rusiyanın Baltikyanı ölkələrə mümkün hücumuna hazırlaşır.

postMedi" “Bild”əçmeməlumata görə, NATO Rusiya qoşunlarının Estoniya, Latviya və ya Litvaya hücumu zamanı həyata keçirilə biləcək üç fəaliyyət variantı hazırlayıb. Əsas məqsədlər hücumu dayandırmaq və Rusiya qüvvələrini mümkün qədər zəiflətməkdir.

“PostMedia” xəbər verir ki, birinci mərhələdə raket və pilotsuz uçuş aparatı hücumlarının qarşısının alınması nəzərdə tutulur. Bunun üçün NATO Rusiya raket komplekslərini məhv etmək məqsədilə döyüş təyyarələri, raketlər və dronlardan istifadə etməyi planlaşdırır. Əsas hədəflərdən biri çoxsaylı hava hücumundan müdafiə və raket sistemlərinin yerləşdiyi Kalininqrad vilayəti ola bilər.

Eyni zamanda Rusiya və Belarus sərhədində “muxtar zona” yaradılması planlaşdırılır. Bu zonada NATO hərbçiləri olmayacaq; irəliləyən Rusiya qoşunlarına qarşı pilotsuz uçuş aparatları və yerüstü robotlaşdırılmış sistemlər fəaliyyət göstərəcək.

Növbəti mərhələdə NATO Rusiya ərazisinə zərbələr endirə bilər. Xüsusi təyinatlı qüvvələr hərbi və logistika obyektlərini — hava limanlarını, müdafiə sənayesi müəssisələrini, körpüləri və qoşunların və hərbi texnikanın daşınması üçün istifadə olunan dəmir yollarını məhv etməli olacaq. Alyans həmçinin Vladimir Putinə qarşı çıxan rusiyalıların köməyinə ümid edir.

Bundan əlavə, NATO dron və robotların Rusiyaya göndərilməsi üçün “hava körpüsü” yaratmağı planlaşdırır. Onların da hava limanlarına və hərbi bazalara zərbələr endirməsi nəzərdə tutulur. Bununla belə, alyans Rusiya ərazisini işğal etməyi planlaşdırmadığını vurğulayır. Məqsəd Rusiya qoşunlarını sərhədə qədər geri çəkilməyə məcbur etməkdir.

NATO bu planları gizli saxlamağı düşünmədiyini açıqlayıb. Hərbçilərin fikrincə, çəkindirmə yalnız o zaman effektiv olur ki, qarşı tərəf alyans üzvü olan ölkəyə hücum edəcəyi təqdirdə onunla nələrin baş verəcəyini əvvəlcədən bilsin.