Baş nazir: “Rusiya dövlətimizə qarşı cinayət törədib”

“Gürcüstan ərazilərini işğal edən yeganə dövlət və yeganə tərəf, təbii ki, Rusiya Federasiyasıdır. Bu, çox açıq faktdır”.

"PostMedia" xarici KİV-lərə istinadən xəbər verir ki, bunu Gürcüstanın baş naziri İrakli Kobaxidze bildirib.

“İşğala gəldikdə isə burada hər şey tamamilə aydındır. Bu məsələ ilə bağlı çoxsaylı açıqlamalar verilir və artıq əlavə izahata ehtiyac yoxdur.

Əlbəttə, Rusiya Federasiyası Gürcüstan ərazisinin 20 faizini işğal edib və bu, Gürcüstan dövlətinə və xalqımıza qarşı törədilmiş cinayət idi. Bu, Gürcüstan dövləti və gürcü xalqına qarşı törədilmiş tamamilə açıq cinayətdir. Bu, işğal idi və daha sonra qondarma tanınma baş verdi”, – deyə Kobaxidze bildirib. Gürcüstanın Birinci Kanalı xəbər verir.