Tramp İranla danışıqların nəticələrinin 48 saat ərzində məlum olacağını bildirib

ABŞ Prezidenti Donald Tramp Vaşinqton və Tehran arasında aparılan danışıqların nəticələrinin yaxın 48 saat ərzində bəlli olacağını açıqlayıb.

"PostMedia" xəbər verir ki, bu barədə xarici KİV-lər məlumat yayıb.

"Biz bunu 48 saat ərzində biləcəyik", – deyə Tramp bildirib.

Onun sözlərinə görə, əgər İran yenidən mövqeyindən geri çəkilərsə, "çox sərt şəkildə cəzalandırılacaq". "Onlar bunu bilir, bunu başa düşürlər", – deyə ABŞ Prezidenti qeyd edib.

Tramp həmçinin bildirib ki, Hörmüz boğazı artıq müəyyən qədər açıqdır. "Biz boğaza tam nəzarət edirik", – deyə o əlavə edib.