Suriya prezidenti Ankarada ABŞ-nin yüksək səviyyəli nümayəndələri ilə danışıqlar aparıb

Suriya Prezidenti Əhməd əş-Şaraa çərşənbə günü Türkiyənin paytaxtı Ankarada ABŞ Konqresi üzvlərindən ibarət nümayəndə heyəti və ABŞ-nin Suriya və İraq üzrə xüsusi nümayəndəsi Tom Barrak ilə görüşüb.

"PostMedia" xəbər verir ki, bu barədə Suriya Ərəb Xəbər Agentliyi (SANA) məlumat yayıb.

Məlumata görə, görüşdə Suriyanın xarici işlər naziri Əsəd əş-Şeybani də iştirak edib.

Agentlik danışıqların təfərrüatlarını açıqlamayıb və ABŞ Konqresi nümayəndə heyətinin üzvlərinin adlarını qeyd etməyib.

Əhməd əş-Şaraa NATO sammiti çərçivəsində Ankaraya səfər edib. Türkiyə çərşənbə axşamı və çərşənbə günləri NATO sammitinə ev sahibliyi edir. Bu, 2004-cü ildə İstanbulda keçirilən NATO sammitindən sonra ölkədə təşkil olunan ikinci NATO zirvə görüşüdür.

Hazırkı sammit alyansın və ümumilikdə beynəlxalq təhlükəsizlik sisteminin artan çağırışlarla üzləşdiyi bir dövrdə keçirilir.