ABŞ prezidenti Ankarada Zelenski ilə görüşü zamanı Putinlə danışmaq niyyətində olduğunu açıqlayıb

ABŞ Prezidenti Donald Tramp çərşənbə günü bildirib ki, həmin günün daha sonrakı saatlarında Rusiya Prezidenti Vladimir Putinlə telefon danışığı aparmağı planlaşdırır. Bu barədə o, NATO sammiti çərçivəsində Ukrayna Prezidenti Volodimir Zelenski ilə birlikdə olarkən məlumat verib.

"PostMedia" xəbər verir ki, bu barədə CNN məlumat yayıb.

İkitərəfli görüş zamanı jurnalistlər Trampa suallar ünvanlayıblar və o, suallardan birini Rusiya liderinə yönəltməyi təklif edib.

“Putinə sualınız varmı?” – deyə ABŞ prezidenti bildirib. Bu ifadə zalda müəyyən çaşqınlıq yaradıb, çünki bəzi iştirakçılarda onun Zelenskini Putinlə səhv saldığı təəssüratı yaranıb.

Tramp dərhal sözlərinə aydınlıq gətirərək deyib:
“Sualı Zelenskiyə yox, Putinə verin. Çünki mən bu gün onunla danışacağam.”

Tramp və Putinin son telefon danışığı iyulun 4-də baş tutmuş və təxminən 90 dəqiqə davam etmişdi.

Rusiya Xarici İşlər Nazirliyinin məlumatına görə, həmin danışıq zamanı Tramp münaqişənin dayandırılması üçün həll yolunun tapılmasına dəstək göstərməyə hazır olduğunu bir daha ifadə edib.