Paşinyan: "Ermənistan Avrasiya İqtisadi İttifaqında gələcək iştirakında maraqlıdır"

Ermənistan Avrasiya İqtisadi İttifaqında (Aİİ) gələcək iştirakını davam etdirməkdə və təşkilatın mexanizmlərinin səmərəli işləməsində maraqlıdır.

"PostMedia" xəbər verir ki, bunu Ermənistanın Baş naziri Nikol Paşinyan Yekaterinburqda Rusiyanın Baş naziri Mixail Mişustinlə görüşü zamanı bildirib.

"Biz Aİİ-də iştirakımızın davam etməsində maraqlıyıq və istəyirik ki, Aİİ haqqında müqavilədə nəzərdə tutulmuş mexanizmlər planlı qaydada fəaliyyət göstərsin. Hesab edirəm ki, bu, Avrasiya İqtisadi İttifaqının gələcək inkişafının maraqlarına uyğundur", – deyə Paşinyan bildirib.