Vens: "İranla razılaşma üzrə texniki danışıqlar bu həftəsonu başlaya bilər"

ABŞ-ın vitse-prezidenti Cey Di Vens bildirib ki, İran nümayəndə heyəti görüş yerinə gələ bilsə, İranla razılaşma üzrə texniki danışıqlar artıq bu həftəsonu başlaya bilər.

"PostMedia" xəbər verir ki, bu barədə "France 24" məlumat yayıb.

O əlavə edib ki, məsləhətləşmələrin başlanması hələlik planlaşdırılır, lakin vəziyyət dəyişə bilər.

“Biz hesab edirik ki, bu texniki danışıqlar təxminən bu həftəsonu başlayacaq. Hazırda planımız budur, amma bu plan dəyişə bilər”, – Vens "Ağ Ev"də keçirilən brifinq zamanı bildirib və əlavə edib ki, İran “çıxmağın çətin olduğu bir ölkədir”.

O həmçinin qeyd edib ki, Tehranla keçiriləcək gözlənilən məsləhətləşmələrdə Amerika danışıqlar qrupuna şəxsən özü rəhbərlik etməyi planlaşdırır.