"ƏL Cəzirə": Küveyt müvəqqəti olaraq hava məkanını bağlayıb

Küveyt müvəqqəti olaraq öz hava məkanını bağlayıb, aviareyslər isə ehtiyat hava limanlarına yönləndirilib.

"PostMedia" xəbər verir ki, bu barədə "Al Jazeera" telekanalı məlumat yayıb.

Məlumata görə, Küveyt Mülki Aviasiya İdarəsi hava məkanının müvəqqəti bağlanmasını “profilaktik tədbir” kimi açıqlayıb və bunu “İranın aqressiv addımları” ilə əlaqələndirib.

Qeyd olunur ki, bütün uçuşlar alternativ hava limanlarına yönləndirilir.

Çərşənbə günü ABŞ Prezidenti Donald Tramp İranı danışıqları uzatmaqda ittiham edib və ABŞ-ın İrana qarşı genişmiqyaslı hərbi əməliyyat keçirməyi planlaşdırdığını bildirib. Cümə axşamı gecə isə Pentaqonun Mərkəzi Komandanlığı İrana zərbələr endirməyə başladığını açıqlayıb. İranın Tasnim agentliyi isə hərbi mənbəyə istinadən bildirib ki, ABŞ hücum edərsə, Tehran Yaxın Şərqdəki ABŞ obyektlərinə cavab zərbələri endirəcək.