ABŞ çinli jurnalistlərin qanuni hüquqlarını təmin etməlidir – Çin Xarici İşlər Nazirliyi

ABŞ media ilə bağlı Çin ilə əldə olunmuş razılaşmaları praktik addımlarla yerinə yetirməli və çinli jurnalistlərin ölkədə işləmək hüququnu təmin etməlidir.

"PostMedia" xəbər verir ki, bunu brifinq zamanı Çin Xarici İşlər Nazirliyinin rəsmi nümayəndəsi Mao Ninq bəyan edib.

Onun sözlərinə görə, Çin tərəflər arasında əldə edilmiş razılaşmalara tam əməl edir və müvafiq məsələlərlə bağlı ABŞ ilə əlaqələri davam etdirir. Bununla belə, Vaşinqton Çin media qurumlarının normal fəaliyyətini “ciddi şəkildə məhdudlaşdırır”.

Mao Ninq qeyd edib ki, Amerika tərəfi daim mətbuat azadlığından danışır. O vurğulayıb ki, Vaşinqton ABŞ-də çalışan çinli jurnalistlər üçün normal iş və məişət şəraitini praktik olaraq təmin etməlidir.