İran Livana endirilən zərbələrə görə ABŞ və İsraili “ciddi nəticələr”lə hədələyib

İranın yüksək vəzifəli deputatlarından biri xəbərdarlıq edib ki, Livana qarşı hücumlar davam edərsə, İsrail və bölgədəki ABŞ qüvvələri ciddi nəticələrlə üzləşəcək.

"PostMedia" xəbər verir ki, İran parlamentinin Milli Təhlükəsizlik Komissiyasının sədri Ebrahim Əzizi Tehranın digər rəsmilərinə qoşularaq "X" platformasında ictimai bəyanatla çıxış edib.

“Əgər Livana hücumlar tamamilə dayandırılmasa, bunun nəticələri sionist rejim və bölgədəki ABŞ qüvvələri üçün ciddi olacaq”, – deyə Əzizi yazıb.

O vurğulayıb ki, söhbət simvolik təhdidlərdən getmir:

“Onlar çox yaxşı anlayırlar ki, bunlar boş sözlər deyil və biz hərbi cavab verməyə hazırıq”, – deyə o əlavə edib.

Bu bəyanat bölgədə davam edən gərginlik, eləcə də İran, İsrail və ABŞ-la əlaqəli qüvvələr arasında qarşılıqlı təhdidlərin artdığı bir vaxtda səsləndirilib.