Alen Simonyan: "Təəssüf ki, Azərbaycan səfərini rədd etmişəm"

“Əgər uyğun fürsət olarsa, qonşu ölkəyə (Azərbaycana nəzərdə tutur – red.) səfər edəcəyəm və bütün qonşu ölkələrin nümayəndələrini Ermənistana dəvət edəcəyəm,”.

"PostMedia" Ermənistan KİV-lərinə istinadən xəbər verir ki, bu barədə “KP” partiyasından deputatlığa namizəd, Ermənistan Milli Məclisinin sədri Alen Simonyan iyunun 1-də Ermənistanın İctimai televiziyasında keçirilən seçki öncəsi debat zamanı bildirib.

“Bir sirri açıqlaya bilərəm: yaxınlarda Azərbaycanda bir forum keçirildi və azərbaycanlı həmkarım məni Azərbaycana dəvət etdi. Lakin təəssüf ki, seçkiqabağı kampaniya səbəbindən forumda iştirak etməyi rədd etdim,” – deyə Simonyan əlavə edib.

O həmçinin vurğulayıb ki, siyasətçilər sülh üçün məsuliyyət daşımalıdırlar.