Dövlət Departamenti: Ukraynaya HAWK avadanlıqlarının mümkün satışı barədə qərar qəbul edilib

ABŞ Dövlət Departamenti Ukraynaya HAWK zenit-raket kompleksinin istismarını təmin etmək üçün nəzərdə tutulmuş avadanlıqların mümkün satışını təsdiqləyib.

"PostMedia" qurumun mətbuat xidmətinə istinadən xəbər verir ki, satışın dəyəri 108 milyon dollardan çoxdur.

“ABŞ Dövlət Departamenti Ukrayna hökumətinə HAWK (FrankenSAM HAWK) zenit-raket komplekslərinin mümkün satışını xarici hərbi satışlar proqramı çərçivəsində təsdiqləmək barədə qərar qəbul edib”, — departamentin açıqlamasında qeyd olunub.

Bildirilir ki, əsas podratçı "Sierra Nevada Corporation" şirkəti olacaq. Açıqlamada vurğulanıb ki, sövdələşmə ABŞ-nin milli maraqlarına uyğundur və regionda qüvvələr balansını dəyişməyəcək.