Lukaşenko Belarusun nüvə silahından istifadə edə biləcəyindən danışıb

Belarus Silahlı Qüvvələri təcavüz halında bütün silah növlərini, o cümlədən nüvə silahını tətbiq etməyə hazırdır.

"PostMedia" TASS-a istinadən xəbər verir ki,bu barədə Rusiya ilə birgə nüvə qüvvələrinin təlimindən sonra Belarus Prezidenti Aleksandr Lukaşenko bildirib.

“Allah eləməsin ki, nəsə baş versin - siz artıq nüvə təlimini gördünüz. Burada heç kim heç nə düşünməyəcək. Bizə hücum edən kimi, təcavüz edən kimi dərhal bütün silah növləri ilə cavab alacaqlar.

Əks halda niyə onu bizdə saxlayırıq? Bu, tam aydındır. Bu, bizim üçün çox vacibdir. Biz də bu istiqamətdə işləyəcəyik - heç kimi təhdid etmədən. Bizə toxunmayın, biz də sizə toxunmaq fikrində deyilik”, - deyə o, BELTA agentliyinə istinadən bildirib.