Rutte Rusiyanı NATO-nun təhlükəsizliyinə əsas təhdid hesab edir

NATO-nun baş katibi Mark Rutte bildirib ki, Rusiya Avroatlantik təhlükəsizlik üçün əsas birbaşa təhdid olaraq qalır.

“PostMedia” xəbər verir ki, o, bu barədə mayın 20-də Brüsseldə alyans ölkələrinin müdafiə nazirlərinin görüşündən əvvəl danışıb.

Rüttenin sözlərinə görə, beynəlxalq vəziyyət, xüsusilə də Avropada daha gərgin və münaqişəli xarakter alıb. Bu isə təhlükəsizliyin təmin olunması məqsədilə NATO müttəfiqləri arasında koordinasiyanın gücləndirilməsini tələb edir.

Rütte həmçinin qeyd edib ki, alyans ölkələri onların sabitliyi və təhlükəsizliyini pozmağa yönəlmiş artan cəhdlərlə üzləşirlər. Onun fikrincə, bu şəraitdə NATO daxilində əməkdaşlıq xüsusi əhəmiyyət daşıyır.