"Epşteyn işi"ilə əlaqədar ABŞ Konqresində ticarət nazirinin istefası tələb olunur 

ABŞ Nümayəndələr Palatasının Nəzarət Komitəsindəki demokratlar ölkənin ticarət naziri Hovard Latnikin Ceffri Epşteyn ilə əlaqələri barədə “kifayət qədər səmimi olmaması” səbəbilə istefasını tələb ediblər.

"PostMedia" xəbər verir ki, bu barədə NBC News məlumat yayıb.

“Siz öz hərəkətləriniz üçün məsuliyyətdən yayınmağa çalışmısınız və Amerika ictimaiyyəti ilə səmimi olmağı rədd etmisiniz. Faktlar aydındır — siz Amerika xalqına yalan demisiniz və ictimai açıqlamalarınızda Ceffri Epşteynlə münasibətlərinizi gizlətməyə çalışmısınız. Sizin qeyri-səmimiliyiniz göstərir ki, siz ticarət naziri vəzifəsinin öhdəliklərini yerinə yetirməyə qadir deyilsiniz və dərhal istefa verməlisiniz,” — məktubda qeyd olunub.

Latnikə mərhum maliyyəçi və məhkum olunmuş seksual cinayətkarla bağlı heç bir qanunsuzluq ittihamı irəli sürülməyib və o, komitəyə bildirib ki, məhdud təmasları zamanı heç bir şübhəli hal müşahidə etməyib.

Məktubda əsas diqqət komitəyə verilən izahlara yönəlib: Latnik əvvəl bildirib ki, 2005-ci ildə Epstein ilə qısa görüşdən sonra onunla əlaqəsi olmayıb, lakin 2012-ci ildə özü, həyat yoldaşı və uşaqları ilə Epşteynin şəxsi adasına səfər edib.