Si Cinpin İrana hərbi texnika göndərməyəcəyinə söz verib - Tramp

Çin prezidenti Si Cinpinq Hörmüz boğazının açılması məsələsində yardım təklif edib və ABŞ ilə İsrailə qarşı müharibədə İrana kömək məqsədilə hərbi texnika göndərməyəcəyinə söz verib.

"PostMedia" xəbər verir ki, bunu ABŞ Prezidenti Donald Tramp "Fox News" telekanalına müsahibəsində bildirib.

“O dedi ki, hərbi texnika verməyəcək... bunu qəti şəkildə bəyan etdi,” — deyə Tramp Pekində iki liderin görüşündən sonra verdiyi müsahibədə bildirib.

“O, Hörmüz boğazının açıq olmasını istədiyini dedi və əlavə etdi: ‘Əgər hər hansı bir şəkildə kömək edə bilirəmsə, kömək etmək istərdim’,” — ABŞ prezidenti əlavə edib.