Si Cinpin 200 "Boeing" təyyarəsi sifariş etməyə razılaşıb - Tramp

Çin lideri Si Cinpin 200 "Boeing" təyyarəsi sifariş etməyə razılaşıb və bu addımı Çin rəhbərinin öhdəliyi kimi qiymətləndirib.

"PostMedia" xəbər verir ki, bunu ABŞ Prezidenti Donald Tramp "Fox News" telekanalına müsahibəsində bildirib.

“Bu gün razılaşdığı yeganə məsələ odur ki, o, 200 reaktiv təyyarə — 200 böyük hava gəmisi sifariş edəcək. Bu isə çoxlu iş yerləri deməkdir,” — deyə ABŞ prezidenti bildirib.

Tramp həmçinin qeyd edib ki, aerokosmik nəhəng əvvəlcə daha kiçik sifariş almağı planlaşdırırdı.

“Boeing 150 istəyirdi, 200 aldı,” — deyə Tramp vurğulayıb.

Onun fikrincə, Si Cinpinqin bu bəyanatı Boeing-dən təyyarələrin alınması prosesini irəli aparmaq öhdəliyinə bərabərdir.