NATO-nun baş katibi alyansın gələcəyi ilə bağlı "çox nikbindir"

NATO-nun baş katibi Mark Rutte bildirib ki, alyansın gələcəyinə dair “çox optimistdir”, baxmayaraq ki, hazırda Hürmüz boğazında yaranmış vəziyyətlə bağlı NATO-nun mümkün rolu ətrafında müzakirələr davam edir.

"PostMedia" xəbər verir ki, Rutte bunu Monteneqroda keçirilən mətbuat konfransında deyib.

O, qeyd edib ki, qısamüddətli perspektivdə İran ətrafındakı vəziyyət və Hürmüz boğazındakı gərginliklə bağlı Avropa müttəfiqlərinin necə yardım göstərə biləcəyi barədə danışıqlar aparılır.

Onun sözlərinə görə, bu taktiki müzakirələr NATO-nun ümumi sabitliyinə dair onun qiymətləndirməsinə təsir etmir.

“Əgər NATO-nun gələcəyi ilə bağlı daha fundamental suala baxsaq, mən çox optimistəm”, — deyə o əlavə edib.

O, bu optimizmin əsas səbəbi kimi Avropa müttəfiqləri və Kanada tərəfindən müdafiə xərclərinin artırılması və öhdəliklərin genişləndirilməsi istiqamətində atılan addımları göstərib.