Tramp: "İran nə etməməli olduğunu bilir"

ABŞ Prezidenti Donald Tramp çərşənbə axşamı "Oval kabinet"də çıxışı zamanı İranın hərbi potensialı ilə bağlı iddiaları təkzib edib.

"PostMedia" xəbər verir ki, ona atəşkəsin kövrək razılaşmasının hansı hallarda pozulmuş hesab edilə biləcəyi barədə sual verilib.

“Onlar nə etməməli olduqlarını bilirlər”, – deyə ABŞ prezidenti bildirib.

Tramp eyni zamanda İranla müharibənin əhəmiyyətini azaltmağa çalışaraq onu “kiçik toqquşma” adlandırıb.

“Bizim kiçik hərbi toqquşmamız var. Mən buna "toqquşma" deyirəm, çünki İranın şansı yoxdur. Onların heç vaxt şansı olmayıb. Onlar bunu bilirlər”, – deyə o, "Oval kabinet"də amerikalı uşaqların fiziki hazırlığına həsr olunmuş tədbir zamanı qeyd edib.

Bundan əvvəl, bazar ertəsi Tramp İranla qarşıdurmanı “mini-müharibə” adlandırmışdı.