Ermənistan və Türkiyə nümayəndələri dəmir yolunun tezliklə istifadəyə verilməsində qarşılıqlı marağı vurğulayıblar

Mayın 5-də “Yerevan Dialogue” üçüncü beynəlxalq konfransı çərçivəsində Ermənistan–Türkiyə normallaşma prosesinin xüsusi nümayəndələri - Ermənistan parlament sədrinin müavini Ruben Rubinyan və Tükiyənin nomallaşma ilə bağlı xüsuis elçisi Serdar Kılıç arasında görüş keçirilib.

"PostMedia" xəbər verir ki, tərəflər normallaşma prosesində mövcud irəliləyişlə bağlı fikir mübadiləsi aparıblar və Gümrü–Qars dəmir yolunun bərpası və istifadəyə verilməsi üzrə birgə işçi qrupunun son iclasını müsbət qiymətləndiriblər. Bu kontekstdə onlar Ermənistan və Türkiyənin dəmir yolunun mümkün qədər tez istifadəyə verilməsinə qarşılıqlı maraq göstərdiyini vurğulayıblar.

Bundan əlavə, xüsusi nümayəndələr tarixi Ani (İpək yolu) körpüsünün birgə bərpasına dair protokolun imzalanmasını da qeyd ediblər. Onların sözlərinə görə, bu təşəbbüs ikitərəfli əməkdaşlığı aktivləşdirəcək, institusional əlaqələri genişləndirəcək və regional turizmin inkişafına əhəmiyyətli töhfə verəcək.