İran “Azadlıq” layihəsini həyata keçirən Amerika gəmilərinə hücum edərsə, Yer üzündən silinəcək - Donald Tramp

İran qüvvələri “Azadlıq” layihəsini həyata keçirən Amerika gəmilərinə hücum edərsə, ölkə “Yer üzündən silinəcək”.

"PostMedia" xəbər verir ki, bunu ABŞ Prezidenti Donald Tramp "Fox News" kanalına verdiyi müsahibədə bildirib.

O qeyd edib ki, onun fikrincə, İran sülh danışıqlarında “xeyli daha güzəştli” mövqe tutmağa başlayıb.

ABŞ prezidenti həmçinin vurğulayıb ki, regionda Amerika hərbi gücünün artırılması davam edir.

“Bizim əvvəlkindən daha çox silahımız və daha yüksək keyfiyyətli sursatımız var. Ən yaxşı avadanlıqlara sahibik. Dünyanın hər yerində texnikamız var. Dünyanın müxtəlif yerlərində bazalarımız mövcuddur və onların hamısı texnika ilə təchiz olunub. Biz bütün bunlardan istifadə edə bilərik və ehtiyac yaranarsa, edəcəyik”, — deyə o əlavə edib.