Avropa ölkələri Hörmüz boğazı ilə bağlı koalisiya yaratmaq istəyir

Avropa ölkələri Hörmüz boğazında gəmiçiliyin təhlükəsizliyini təmin etmək məqsədilə ölkələrdən ibarət koalisiya yaratmağı planlaşdırır.

"PostMedia" xəbər verir ki, bu barədə "The Wall Street Journal" məlumat yayıb.

Layihə çərçivəsində hərbi gəmilərin, o cümlədən mina-təmizləmə gəmilərinin bölgəyə göndərilməsi nəzərdə tutulur.

Fransa prezidenti Emmanuel Makron bildirib ki, plan beynəlxalq müdafiə missiyası formatında hazırlanır və bu missiyada münaqişə tərəfləri iştirak etməyəcək.

Məlumata görə, söhbət ABŞ, İsrail və İran kimi tərəflərin bu missiyaya daxil edilməməsindən gedir. Avropa ölkələri isə məqsədin gərginliyin azaldılması və boğazda təhlükəsiz naviqasiyanın bərpası olduğunu bildirirlər.