Tramp: "Roma Papası İranın nüvə təhdidini başa düşmür"

Roma Papası XIV Leo İrandan gələn nüvə təhdidini başa düşmür.

"PostMedia" xəbər verir ki, bunu ABŞ Prezidenti Donald Tramp "Corriere della Sera" qəzetinə verdiyi müsahibədə bildirib.

Tramp əlavə edib ki, "O, müharibəni başa düşmür və bu barədə danışmamalıdır, çünki nə baş verdiyini bilmir".

O, həmçinin İtaliyanın Baş naziri Ciorcia Melonini Papa haqqındakı fikirlərini "qəbuledilməz" adlandırdığına görə tənqid edib.

ABŞ Prezidenti bildirib ki, "O, qəbuledilməzdir, çünki İranın nüvə silahına sahib olub-olmaması onun vecinə deyil və əgər şansı olsaydı, İtaliyanı iki dəqiqəyə partladardı".

Tramp baş nazirin hərəkətlərindən "şoka düşdüyünü" bildirib.

"Mən onun cəsur olduğunu düşünürdüm, amma yanılmışdım", - deyə o, İtaliyanın ABŞ-İran müharibəsini və Hörmüz boğazının açılmasını dəstəkləməməsinə görə təəssüfləndiyini bildirib.