Hindistanın Baş naziri Trampın zəngi barədə danışıb: Hörmüz boğazı müzakirə olunub

Hindistanın Baş naziri Narendra Modi ABŞ Prezidenti Donald Trampla aralarında baş tutan telefon zəngi haqqında danışıb.

"PostMedia" xəbər verir ki, bu barədə o, özünün "X" hesabında məlumat verib.

Məlumatda deyilir ki, onlar arasında Hörmüz boğazı müzakirə olunub.

Modinin sözlərinə görə, tərəflər müxtəlif sahələrdə ikitərəfli əməkdaşlıqda əldə olunan mühüm irəliləyişi müzakirə ediblər.

“Biz bütün sahələrdə hərtərəfli qlobal strateji tərəfdaşlığımızı daha da gücləndirməyə sadiqik. Həmçinin Qərbi Asiyada mövcud vəziyyəti müzakirə etdik və Hörmüz boğazının açıq və təhlükəsiz qalmasının vacibliyini vurğuladıq”, – deyə Modi bildirib.