İran nüvə bombası yaratmaq üçün lazım olan imkanların böyük hissəsini saxlayıb - WSJ

ABŞ-ın vitse-prezidenti Cey Di Vens bəyan edib ki, ABŞ İranın nüvə proqramını yenidən başladmamağına dair zəmanət əldə etməlidir.

"PostMedia" rəsmilər və ekspertlərə istinadə xəbər verir ki, İran ABŞ və İsrailin beş həftə davam edən ağır raket hücumlarına baxmayaraq, nüvə bombası hazırlamaq üçün lazım olan imkanların böyük hissəsini qoruyub saxlayıb.

"The Wall Street Journal" yazır ki, bu vəziyyət amerikalı danışıqlar aparanlar üçün ciddi çətinliklər yaradır və Tehranla danışıqları daha da mürəkkəbləşdirir.

Vens bildirib ki, İranın nüvə ambisiyaları əsas mübahisə mövzusudur. Tərəflər İslamabadda 21 saat davam edən danışıqlarda razılığa gələ bilmədikdən sonra bu məsələ xüsusilə gündəmdə qalıb.