Pakistan tərəflərə 2 həftəlik atəşkəs təklif edib

Pakistanın Baş naziri Şehbaz Şərif çərşənbə axşamı prezident Trampı və İran rejimini sülh danışıqları üçün vaxt vermək məqsədilə iki həftəlik atəşkəs barədə razılığa gəlməyə çağırıb.

”PostMedia” bu barədə “Axios” nəşrinə istinadən xəvər verir. “Ağ Ev”in mətbuat katibi Karolin Livitt “Axios”a bildirib ki, ABŞ Prezidenti təklif barədə məlumatlandırılıb və cavab veriləcək. Şərifin açıqlaması Trampın ya razılaşma əldə etmək, ya da İran infrastrukturuna kütləvi bombardman kampaniyası başlatmaq üçün verdiyi son tarixdən beş saatdan az bir müddət əvvəl verilib. Pakistan son bir neçə həftə ərzində ABŞ və İran arasında əsas vasitəçi olub.