İsrail Fransadan silah alışını dayandırıb

İsrailin Müdafiə Nazirliyinin baş direktoru, ehtiyatda olan briqada generalı Əmir Baram Fransadan silah alışının tam dayandırılması barədə göstəriş verib.

"PostMedia" xəbər verir ki, bu barədə İsrail KİV-ləri məlumat yayıb.

Qərar nazirlik tərəfindən İsrailə qarşı düşmən mövqe tutan dövlətlərlə müqavilələrin azaldılmasına yönəlmiş daha geniş siyasət çərçivəsində qəbul olunub. Fransadan alışların əvəzinə nazirlik daxili istehsala üstünlük verəcək və avadanlıqları dost hesab olunan ölkələrdən alacaq.

Bu addım müharibə başlayandan bəri Fransanın atdığı və Yerusəlim tərəfindən düşmən münasibət kimi qiymətləndirilən bir sıra addımlardan sonra atılıb. Paris İsrail nümayəndələrinə öz ərazisində keçirilən müdafiə sərgiləri və konfranslarda iştirak etməyi qadağan edib, həmçinin İsrailə qarşı silah embarqosu tətbiq edilməsi çağırışlarını dəstəkləyib.

Satınalmaların dayandırılması müdafiə naziri və nazirliyin rəhbərliyinin ölkənin daxili müdafiə sənayesi bazasını genişləndirməyə yönəlmiş daha geniş planının bir hissəsidir.

İsrailin silah idxalının demək olar ki, hamısı iki ölkədən — ABŞ və Almaniyadan həyata keçirilir, digər ölkələrin payı isə təxminən 1 faiz təşkil edir. Bu paya Fransa tədarükləri daxil deyil. Mümkündür ki, söhbət ikili təyinatlı məhsullardan gedir.