Hindistanın Baş naziri İran Prezidenti ilə regiondakı vəziyyəti müzakirə edib

Hindistanın Baş naziri Narendra Modi İran Prezidenti Məsud Pezeşkianla telefon danışığı aparıb.

"PostMedia" xəbər verir ki, bu barədə o, özünün "X" hesabında bildirib.

Modi qeyd edib ki, o və iranlı həmkarı regionda yaranmış ağır vəziyyəti müzakirə ediblər.

"Gərginliyin artması, mülki şəxslərin həlak olması, eləcə də mülki infrastruktura dəyən zərərlə bağlı dərin narahatlığımızı ifadə etdik. Hindistan vətəndaşlarının müdafiəsi, həmçinin malların və enerji resurslarının maneəsiz tranzitinin təmin edilməsi Hindistanın əsas prioritetləri olaraq qalır. O, Hindistanın sülh və sabitliyə sadiqliyini bir daha təsdiqləyib, dialoq və diplomatiyaya çağırıb", - deyə Hindistanın Baş naziri yazıb.