Əli Laricani: "Münaqişə zamanı 500-dən çox ABŞ əsgəri ölüb"

İranın Ali Milli Təhlükəsizlik Şurasının katibi Əli Laricani İranla münaqişə dövründə 500-dən çox amerikalı hərbçinin həlak olduğunu iddia edib.

"PostMedia" xəbər verir ki, bu barədə o, özünün "X" hesabında paylaşım edib.

“İndi hesablayaq – 500-dən çox amerikalı əsgər öldürülübsa, üstün tərəf kimdir – ABŞ, yoxsa İsrail?”.

Xatırladaq ki, fevralın 28-də ABŞ və İsrail İran ərazisində, o cümlədən Tehranda yerləşən hədəflərə zərbələr endirməyə başlayıb. Məlumatlarda dağıntılar və mülki əhali arasında itkilər olduğu bildirilir.

Buna cavab olaraq Tehran İsrail ərazisinə, eləcə də Yaxın Şərqdə yerləşən ABŞ hərbi obyektlərinə zərbələr endirir.