Rusiya Makronun müşavirinin Moskvaya səfəri ilə bağlı məlumatları təkzib etməyib

Kreml Fransa prezidenti Emmanuel Makronun müşavirinin Moskvaya səfəri ilə bağlı yayılan məlumatları nə təsdiqləyib, nə də təkzib edib.

"PostMedia" xəbər verir ki, bu barədə Rusiya prezidentinin mətbuat katibi Dmitri Peskov "RIA Novosti"yə açıqlamasında bildirib.

“Biz bilirik ki, Yelisey sarayı da bu məlumatı nə təsdiqləyib, nə də təkzib edib. Həmrəylik nümayiş etdirərək biz də onu nə təsdiqləyəcəyik, nə də təkzib edəcəyik”, – deyə Peskov qeyd edib.

Daha əvvəl Makronun müşavirinin Rusiya Prezidenti Vladimir Putinin köməkçisi ilə danışıqlar apardığı barədə məlumat yayılmışdı.