Tramp ABŞ müttəfiqlərinə İrandan çıxmağı tövsiyə edib

ABŞ Prezidenti Donald Tramp Detroytdakı zavoda səfəri zamanı jurnalistlərlə söhbətində bildirib ki, onun fikrincə, ABŞ-ın müttəfiqləri İran ərazisini tərk etməlidirlər.

“PostMedia” bu barədə “BBC News”a istinadən xəbər verir.

Jurnalistlərin ABŞ müttəfiqlərinə İrandan çıxmağı tövsiyə edib-etmədiyi ilə bağlı sualına Tramp belə cavab verib: “Düşünürəm ki, onlar getməlidirlər”.

“Bu, elə də pis fikir deyil”, — deyə o əlavə edib.

Daha əvvəl Tramp sosial şəbəkələrdə paylaşım edərək iranlıları etiraz aksiyalarını davam etdirməyə və “qurumları ələ keçirməyə” çağırmış, həmçinin “kömək artıq yoldadır” ifadəsini işlətmişdi.