Tramp Venesuela müxalifətinin lideri ilə görüşəcək - CNN

Venesuela müxalifətinin lideri, 2025-ci il Nobel Sülh Mükafatı laureatı Mariya Korina Maçado cümə axşamı ABŞ Prezidenti Donald Trampla görüşəcək.

“PostMedia” CNN-ə istinadən xəbər verir ki, bu barədə telekanala “Ağ Ev”in yüksək vəzifəli rəsmisi məlumat verib.

Maçadonun “Ağ Ev”ə səfəri Trampın onun namizədliyini dəstəkləməkdən imtina etməsindən sonra baş tutur. Həmin qərar Karakasa ABŞ-nin hərbi zərbələrindən və ölkə lideri Nikolas Maduronun ələ keçirilməsindən sonra verilib.

Yanvarın 3-də baş verən əməliyyatdan qısa müddət sonra Tramp bildirib ki, Maçadonun Venesuelanı idarə etməsi çətin olacaq, çünki onun geniş xalq dəstəyi yoxdur.

O, həmçinin Nobel Sülh Mükafatını ABŞ prezidentinə təhvil verə biləcəyinə eyham vurub. Tramp isə cavabında bunun onun üçün “şərəf” olacağını deyib. Lakin Norveç Nobel İnstitutu bəyan edib ki, “Nobel” mükafatı başqasına ötürülə bilməz.