Baş katib: "NATO hələ də ABŞ-a arxalana bilər"

Donald Tramp administrasiyasının əvvəlkilərdən fərqlənən kursuna baxmayaraq, Amerika NATO-nu tamamilə dəstəkləyir, alyansın və Avropanın tərkibində qalır.

"PostMedia" xəbər verir ki, bunu NATO-nun baş katibi Mark Rutte "dpa" agentliyinə müsahibəsində deyib və əlavə edib ki, buna şübhəsi yoxdur.

O, qeyd edib ki, ABŞ Avropadan müdafiə sahəsinə daha çox sərmayə qoymasını gözləyir, lakin alyans daxilindəki tərəfdaşlıq sarsılmaz olaraq qalır.

Rutte həmçinin Haaqada keçirilən NATO sammitinin qərarlarını xatırladıb; orada müttəfiqlər 2035-ci ilə qədər müdafiə xərclərini ÜDM-in 5%-nə çatdırmaq barədə razılığa gəliblər.

"Hesab edirəm ki, bu, hələ də prezident Trampın xarici siyasətinin ən böyük nailiyyətlərindən biridir", — deyən baş katib vurğulayıb ki, AB ölkələri NATO-nun iqtisadi gücünün yalnız dörddə birini təşkil edir, 75%-i isə AB-dən kənardadır, xüsusilə Böyük Britaniya, Norveç, Kanada və ABŞ.