Zelenski müharibə məsələsini hansı şərtlə referenduma çıxaracağını açıqlayıb

Ukrayna Prezidenti Volodimir Zelenski bildirib ki, bazar günü Tramp ilə müharibənin başa çatdırılması çərçivəsi, o cümlədən mümkün qrafik barədə razılığa gələcəyini gözləyir.

O, həmçinin Rusiyanın 60 günlük atəşkəsə razı olacağı təqdirdə, bu məsələni referenduma çıxarmağa hazır olduğunu ifadə edib.

"PostMedia" xəbər verir ki, bu barədə Axios nəşri məlumat yayıb.

Bundan əlavə, UNIAN agentliyinin verdiyi xəbərə görə, nəşr ukraynalı rəsmi şəxsə istinadən bildirir ki, şənbə günü Zelenski, Tramp və bir qrup Avropa lideri arasında danışıqların gedişatı barədə hamını məlumatlandırmaq məqsədilə telefon danışığının keçiriləcəyi gözlənilir.