Ukraynanın planı bizim ABŞ ilə üzərində işlədiyimizdən köklü şəkildə fərqlənir - Rusiya XİN

26-dekabr-2025, 22:25

Yazı Ölçüsü:

Rusiyanın xarici işlər nazirinin müavini Sergey Ryabkov "Rossiya 1" telekanalının "60 dəqiqə" verilişində çıxış edərkən, Rusiya və ABŞ liderləri Vladimir Putin və Donald Tramp arasında Ankoricdə əldə olunmuş razılaşmaları Rusiya üçün imperativ adlandırıb.

"PostMedia"nın məlumatına görə, o diqqətə çatdırıb ki, Ukrayna sosial şəbəkələrində 20 bənddən ibarət plan haqqında məlumat yayılıb və bu plan "dekabrın əvvəlindən başlayaraq Rusiya tərəfinin son həftələrdə Amerika tərəfi ilə üzərində işlədiyi 27 bənddən köklü şəkildə... fərqlənir".

Ryabkovun sözlərinə görə, Floridada keçirilən görüşlərin nəticələri dərindən təhlil edilməlidir:

"...Lakin Ankoricdə müəyyən edilmiş çərçivədə qalmaq üçün siyasi iradə bizim üçün nəinki fundamental, həm də imperativdir. Biz bu sərhədlərdən kənara çıxa bilmərik, əks halda bu, nəinki qeyri-sabit razılaşma olar, həm də sadəcə olaraq heç bir razılaşma əldə olunmaz".