Tramp impiçmentlə hədələnir

ABŞ Nümayəndələr Palatasının spikeri Mayk Conson (Luiziana ştatından respublikaçı) 2026-cı ildə prezident Donald Trampın gündəmini dəstəkləməyə davam etməyə çağırıb.

"PostMedia "Washington Examiner"ə istinadən xəbər verir ki, Demokratlar Partiyasının aralıq seçkilərdən sonra Konqresdə nəzarəti bərpa edəcəyi təqdirdə yarana biləcək mümkün nəticələr barədə xəbərdarlıq edib.

"2026-cı ilin aralıq seçkilərində hər şey risk altındadır. Əgər biz Nümayəndələr Palatasındakı çoxluğu itirsək, radikal solçular prezident Trampın impiçmentini elan edəcəklər. Onlar mütləq xaos yaradacaqlar. Biz buna imkan verə bilmərik və mən bilirəm ki, siz də buna imkan verməyəcəksiniz", — deyə Conson vurğulayıb.