BMT-də ABŞ-nin "Fələstin Hərəkatı"nı terror təşkilatı kimi tanıması pislənilib

28-avqust-2026, 12:32

Yazı Ölçüsü:

BMT-nin İnsan Hüquqları üzrə Ali Komissarlığı (OHCHR) ABŞ hakimiyyətinin Fələstin tərəfdarı "Fələstin Hərəkatı"nı terror təşkilatı kimi tanımaq qərarını pisləyib.

"PostMedia" xəbər verir ki, bu barədə Ali Komissar Volker Türkün ofisinin yaydığı bəyanatda bildirilib.

“Bu qərar ifadə, sərbəst toplaşma və birləşmə azadlığı hüquqlarına, eləcə də ictimai həyatda iştirak hüququna qeyri-mütənasib və yersiz məhdudiyyət qoyur”, — deyə "Reuters"in sitat gətirdiyi bəyanatda qeyd olunub.

Türk həmçinin “terror” termininin siyasi məqsədlərlə həddindən artıq geniş şəkildə istifadəsinin yolverilməz olduğunu vurğulayıb.

Daha əvvəl ABŞ Maliyyə Nazirliyi "Fələstin Hərəkatı" şəbəkəsini terror təşkilatları siyahısına daxil edib. Hərəkatın əsas fəaliyyəti Böyük Britaniyada cəmləşib.

2025-ci ilin yayında Britaniya hakimiyyəti də təşkilatı qadağan edilmiş təşkilat kimi tanıyıb. Qadağa qüvvəyə mindikdən sonra təşkilata dəstək nümayişləri zamanı ölkə üzrə 3 mindən çox insan saxlanılıb, onlardan 700-dən çoxuna qarşı ittiham irəli sürülüb.

"Fələstin Hərəkatı" qadağanı məhkəmədə etiraz etməyə davam edir.